ACE-COM PPCRV, nagbabala sa mga problema sa Automated Counting Machines
Nag-alala ang Archdiocesan Commission on Elections Monitoring Parish Pastoral Council for Responsible Voting (ACE-COM PPCRV) tungkol sa pagiging maaasahan ng Automated Counting Machines (ACMs) sa ginanap na Final Testing and Sealing (FTS).
Isinagawa ang testing sa Davao City National High School noong Mayo 6, 2025. Sa pagsubok, napansin na hindi nabasa ng makina ang dalawang magkakasunod na numero kapag isinabay ang pag-shade. Ngunit sa kabila nito, naitala pa rin ng makina ang 12, kahit 13 ang piniling kandidato—lampas sa limit.
Tanong sa transparency ng vote counting
Tinanong ng tagapagsalita ng ACE-COM PPCRV, “Sino ngayon ang magdedesisyon kung gawing 12 mula sa 13, at kung sino ang hindi mapapabilang?” Isa itong malaking isyu sa pagiging patas ng proseso.
Nagsagawa rin ng iba’t ibang estilo ng pagmarka, tulad ng kahon, pahilis na linya, tuldok, bituin, at overline. Bagaman iba ang markings, sinigurado ng grupo na ang tamang pag-shade ng pangalan ay nababasa ng makina, batay sa mga ulat mula sa mga PPCRV volunteers.
Mga irregulardad idinulog sa Comelec
Na-report ang mga anomalya upang maipasa sa Commission on Elections (Comelec) para sa masusing pag-aaral. Samantala, marami ring lugar ang hindi nakapagsagawa ng FTS dahil sa kakulangan ng ACMs. Nag-aantay pa ang grupo ng opisyal na abiso mula sa Comelec ukol dito.
Paalala sa mga botante
Nagpaalala ang PPCRV sa mga botante na tiyaking maayos at buo ang pag-shade sa bilog ng balota. Iwasan ang paggamit ng ibang simbolo o pagmarka upang masiguradong mabibilang nang tama ang boto.
Paliwanag ng Comelec-Davao tungkol sa overvoting
Ipinaliwanag naman ng Comelec-Davao assistant regional director na si Gay Enumerables na ang isang marka na may label na “32” ay hindi nabasa dahil ito ay nasa labas ng tamang lugar ng pag-shade. Kaya naitala lamang ang 12 na kandidato sa makina.
Aniya, “Hindi natamaan yung circle mismo kaya hindi binasa ng makina.” Binibigyang-diin niya ang kahalagahan ng tamang pag-shade upang mabasa nang tama ng makina ang boto.
Malapit na ang halalan
Nakatakda ang 2025 National at Local Elections sa Mayo 12. Inaasahan ang milyun-milyong Filipino na makikilahok sa pagboto sa buong bansa. Dahil dito, mahalaga ang maayos na operasyon ng mga ACM upang mapanatili ang integridad ng halalan.
