Cardinal Robert Francis Prevost, bagong Papa Leo XIV
Napili bilang ika-267 Obispo ng Roma si Cardinal Robert Francis Prevost mula sa Estados Unidos, kaya siya ang naging kauna-unahang Amerikanong papa at unang miyembro ng Augustinian order na humalili sa trono ni San Pedro. Sa kanyang pag-upo bilang Santo Papa, pinili niya ang pangalang Papa Leo XIV.
Sa harap ng masayang mga tagapanood sa St. Peter’s Square, nagpaabot siya ng kanyang unang panalangin, “Peace be with all of you!” Agad na ipinaabot ang balita ng kanyang pagkahalal mula sa balkonahe ng Saint Peter’s Basilica ni Cardinal Protodeacon Dominique Mamberti gamit ang tradisyunal na Latin na panawagan, “Habemus Papam!”
Pagpili ni Papa Leo XIV sa Conclave
Pinili si Papa Leo XIV sa pamamagitan ng isang conclave na binubuo ng 133 kardinal na kailangang makamit ang dalawang-katlo ng boto upang maging matagumpay. Ang puting usok mula sa Sistine Chapel noong hapon ng Mayo 8, 2025, ay nagsilbing hudyat na may bagong papa na.
Inaasahang ipagpapatuloy niya ang mga prayoridad na itinakda ni Pope Francis, kabilang ang pastoral care, reporma sa kurya, at pagtaguyod ng global na pagkakaisa.
Unang Miting at Mensahe ng Papa Leo XIV
Sa kanyang unang mga pagtitipon bilang papa, nagbigay siya ng mensahe ng pagkakaisa, malinaw na pananampalataya, at pag-asa sa mahigit 2.1 bilyong Katoliko sa buong mundo.
Ipinahayag niya ang kanyang paggalang sa nauna niyang si Pope Francis, binanggit ang huling panalangin nito sa Pasko ng Pagkabuhay. Ani Papa Leo XIV, “The Pope, who blessed Rome, gave his blessing to the entire world that morning of Easter. Let me follow that up: God loves us. God loves everyone. Evil will not prevail.”
Dagdag pa niya, “We are all in the hands of God. Therefore, without fear, united, hand in hand, and with God, and amongst ourselves, let us go forward. We are the disciples of Christ. Christ goes before us. The world needs His light.”
Panawagan para sa Pagkakaisa at Pagmamahal
Hinimok ng bagong Santo Papa ang simbahan na maging tulay sa pagkakaunawaan ng mga tao. “Help us and all others to build bridges with dialogue, with meeting, to be one common people living always in peace,” ang kanyang panawagan.
Ipinahayag din niya ang kanyang pananaw na ang Simbahan ay dapat maging masigasig sa pagpapalaganap ng pananampalataya at misyonaryo. “Seeking work with men and women who are faithful to Jesus Christ, without fear to proclaim the Gospel, to be missionaries,” aniya.
Relasyon ni Papa Leo XIV sa Augustinian Order
Bilang isang miyembro ng Augustinian order, nagbigay siya ng inspirasyon mula sa mga salita ni San Agustin para ilarawan ang kanyang ugnayan sa Simbahan. “I am a son of Augustine, who said, ‘With you I am Christian, and for you, a bishop.’ And I think in that sense we can walk together to that homeland, that home which God has prepared for us,” wika ni Papa Leo XIV.
Dagdag niya, “We have to seek together to be a missionary Church… always ready to accept like this great piazza with its arcs… to show our charity, presence, and dialogue with love.”
Panawagan sa Simbahan para sa Sinodalidad at Kalooy
Sa pagtatapos ng kanyang talumpati, niyaya niya ang buong Simbahan na yakapin ang sinodalidad at kalooy. “We must be a synodal Church, one which goes forward and which always seeks peace, charity, and to be close to those who suffer,” ani ng papa.
Background ni Papa Leo XIV
Ipinaalam ng Vatican News na si Papa Leo XIV ay ipinanganak sa Chicago noong Setyembre 14, 1955, mula sa pamilyang may lahing French, Italian, at Spanish. Sumali siya sa Order of Saint Augustine at nagbigay ng kanyang unang panata noong 1978.
Naordinahan siyang pari sa Roma noong 1982 matapos niyang pag-aralan ang teolohiya, at nakakuha rin siya ng doctorate sa Canon Law. Matapos ang kanyang akademikong pagsasanay, naglingkod siya nang higit sa sampung taon sa Peru.
Noong 1999, naging Provincial Prior siya ng Augustinian Province of Chicago at sa kalaunan ay nagsilbi bilang Prior General ng Augustinian Order sa buong mundo sa loob ng dalawang termino.
Ang kanyang episcopal motto ay “In Illo uno unum” na nangangahulugang “In the One, One,” na hango kay San Agustin. Ito ay sumasalamin sa kanyang panghabambuhay na dedikasyon sa pagkakaisa kay Kristo.