DOH Activates Code White Alert Nationwide
Upang matiyak ang kaligtasan ng publiko sa nalalapit na midterm elections, inilunsad ng Department of Health (DOH) ang Code White Alert simula Mayo 11 hanggang Mayo 14, 2025. Layunin nitong maging handa ang mga ospital at mga health workers sa anumang emergency na maaaring mangyari bago, habang, at pagkatapos ng halalan sa Mayo 12.
Ang Code White Alert ay nangangahulugan na nakahanda ang mga ospital, lalo na ang mga general at orthopedic surgeons, anesthesiologists, internists, operating room nurses, ophthalmologists, at otorhinolaryngologists, na agarang tugunan ang mga medikal na pangangailangan sa oras ng kagipitan.
Philippine Red Cross Handang Suportahan ang Halalan
Samantala, inihayag din ng Philippine Red Cross (PRC) ang kanilang kahandaan para sa mga posibleng emergency sa panahon ng halalan. Mula Mayo 9 hanggang 12, aktibo nilang ide-deploy ang 2,260 na staff at volunteers, kasabay ng 28 emergency vehicles, 103 foot patrol units, at 51 mobile units.
Bukod pa rito, magtatayo ang PRC ng 291 first aid stations at 146 welfare desks sa mga pangunahing lugar tulad ng mga airport, arenas, barangay halls, bus terminals, pampublikong lugar, highways, malls, parke, paaralan, at mga train stations. Ang mga hakbang na ito ay para matiyak ang maayos at ligtas na eleksyon para sa lahat.
