Paalala ng DOLE sa Tamang Bayad ng mga Empleyado sa Araw ng Halalan
Ipinapaalala ng Department of Labor and Employment (DOLE) sa mga employer ang wastong bayad para sa mga manggagawa sa May 12, Araw ng Halalan.
Ayon sa Labor Advisory No. 7, narito ang mga patakaran sa sahod para sa mga empleyado:
Bayad Para sa Hindi Nagtrabaho at Trabaho sa Special Holiday
Kung hindi magtatrabaho ang empleyado, ipatutupad ang "no work, no pay" maliban na lang kung may company policy, practice, o collective bargaining agreement (CBA) na nagsasabing may bayad kahit special day.
Samantala, kapag nagtrabaho sa special day, dapat bayaran ng employer ang empleyado ng dagdag na 30% sa kanilang basic wage sa unang walong oras (Basic wage × 130%).
Bayad Para sa Overtime at Rest Day
Para sa trabaho na lumampas sa walong oras, dagdag naman ang 30% ng hourly rate sa special day (Hourly rate × 130% × 130% × bilang ng oras na nagtrabaho).
Bukod pa rito, kung paparehong special day at rest day ang araw ng trabaho, ang dagdag na bayad ay 50% ng basic wage sa unang walong oras (Basic wage × 150%).
Para sa overtime sa araw na ito, bayaran ang empleyado ng dagdag na 30% sa hourly rate (Hourly rate × 150% × 130% × bilang ng oras).
Araw ng Halalan, Itinalagang Special Holiday
Idineklarang special non-working holiday ang May 12 upang mabigyan ng sapat na oras ang mga botante na maisagawa ang kanilang karapatan sa pagboto.
Dahil dito, mahalaga na magsunod ang mga employer sa itinakdang bayad para sa kanilang mga empleyado.