Veronica "Kitty" Duterte, hinimok ng ama na mag-aral at sundan ang yapak nito
BOCAUE, Bulacan — Pinayuhan ni dating pangulong Rodrigo Duterte ang kanyang bunsong anak na si Veronica “Kitty” Duterte: “Mag-aral ka. Sumunod ka sa yapak ko.”
Ayon sa kasintahan nito, ibinahagi niya ito sa harap ng mga tagasuporta ng PDP-Laban sa isang miting de avance sa Philippine Arena, Bulacan.
Sinabi ni Kitty na noong una ay ayaw niyang makisali sa politika. Ngunit nang madinig niya ang pag-aresto sa kanyang ama dahil sa kaso ng human rights violations, nagbago ang kanyang pananaw.
“21 anyos pa lang ako at estudyante sa kolehiyo. Ayaw ko talaga makipag-politika. Pero dahil sa pag-kidnap at pang-aabuso sa tatay ko, nandito ako para ipaglaban hindi lang ang pamilya ko kundi pati ang bansa,” ani Kitty sa entablado.
Hinimok din niya ang mga kabataan na bumoto nang tama. “Sa mga kababayan ko, sa kapwa ko kabataan, bumoto tayo ng tama. Dahil dito nakasalalay ang kinabukasan.”
Sumusuporta sa PDP-Laban at sa mga kandidato
Ipinahayag ni Kitty ang kanyang suporta sa PDP-Laban, lalo na kay Rodante Marcoleta, na tinawag niyang “my senator.”
Sa pagtatapos ng kanyang talumpati, muling ipinaabot niya ang pagmamahal ng kanyang ama sa bansa.
“Ang pagmamahal ko sa bayan ang nagdala sa akin dito. Walang personal na interes. Mahal niya ang Pilipinas. Pilipinas, Duterte pa rin!”
Sa kabila nito, sinabi ni Kitty na wala pa siyang plano na bumalik sa The Hague, Netherlands, kung saan hinaharap ng kanyang ama ang mga kaso laban sa kanya dahil sa war on drugs.