Liam Payne nag-iwan ng P18-B na yaman pero walang last will
Umani ng pagkabigla ang balita na iniwan ni Liam Payne, ang yumaong British singer at dating miyembro ng One Direction, ang malaking halaga ng £24.3 million o halos P1.8 billion na ari-arian. Ngunit, wala siyang iniwang last will, ayon sa mga ulat mula sa United Kingdom.
Ipinahayag na ang dating partner ni Liam, si Cheryl Tweedy, ang itinalagang administrator ng kanyang mga naiwang ari-arian. Si Cheryl ay kilala bilang dating miyembro ng Girls Aloud at ina ng kanilang walong taong gulang na anak.
Pag-aasikaso sa mga ari-arian at legal na usapin
Kasama ni Cheryl ang isang abogado mula sa music industry sa pamamahala ng estate ni Liam. Gayunpaman, hindi pa maaaring ipamahagi ang yaman ni Liam sa ngayon, ayon sa mga pahayag.
Namayapa si Liam Payne noong Oktubre ng nakaraang taon sa edad na 31, matapos mahulog mula sa third floor ng CasaSur Palermo Hotel sa Buenos Aires, Argentina. Isang toxicology report ang nagpakita ng presensya ng cocaine, alak, at isang uri ng prescription antidepressant sa kanyang katawan nang siya ay mamatay.
Imbestigasyon sa pagkamatay ni Liam Payne naglalaman ng kontrobersya
Ayon sa lokal na piskalya, hindi tinuturing na suicide ang nangyari dahil lumabas sa imbestigasyon na nawalan siya ng malay bago mahulog. Tatlong indibidwal, kabilang ang isang kaibigan ni Liam at dalawang empleyado ng hotel, ay sinampahan ng kaso sa negligent homicide, ngunit kalaunan ay ibinasura ang mga kasong ito.
Ngayon, may kasong patuloy laban sa isang empleyado ng CasaSur Palermo Hotel at isang lokal na waiter dahil sa umano’y pagbibigay ng ipinagbabawal na gamot kay Liam bago siya namatay. Ang kasong ito ay may katumbas na parusang apat hanggang 15 taon na pagkakakulong.
