Malaking Panganib sa Isang Mermaid Performer
Isang mermaid performer ang muntik nang malagay sa panganib nang matanggal ang kanyang goggles at flippers habang nagsasagawa ng palabas sa loob ng aquarium sa Taiyuan Ocean World, Shanxi, China. Dahil dito, nawalan siya ng malay at kinailangang sagipin ng mga tauhan ng parke.
Agad na Rescue at Medikal na Aksyon
Makikita sa video na isang staff ang sumisid upang kunin ang babaeng performer na hindi na nakakaalipusta. Agad siyang dinala sa ospital para mabigyan ng agarang lunas. Ayon sa pamilya, nagkaroon siya ng pulmonary edema matapos mapuno ng tubig ang kanyang baga, kaya kinailangan siyang ilagay sa ICU.
Paglilinaw Mula sa Pamunuan ng Parke
Kinilala ang performer bilang si Ms. Feng. Sa mga unang ulat, sinasabing hypoglycemia ang sanhi ng pagkawala niya ng malay. Ngunit nilinaw ng pamunuan ng parke na ang tunay na dahilan ay ang pagkawala ng kanyang flippers at goggles na naging dahilan ng pagkalunod.
“Hindi siya nalunod dahil sa hypoglycemia, kundi dahil natanggal ang kanyang flippers kaya hindi siya nakalutang,” ani ng parke. Mahalaga ang goggles para makita sa ilalim ng tubig, habang ang flippers naman ay tumutulong upang lumutang lalo na’t mabigat ang suot na costume.
Kakulangan sa Safety Measures at Mga Panawagan
Ipinakalat ng ilang ahensya ng gobyerno ang video ng insidente kasabay ng panawagan na papanagutin ang pamunuan ng parke. Pinuna nila ang palpak na automatic alarm device sa aquarium at ang kawalan ng underwater oxygen supply system.
Bukod pa rito, wala ring dalang oxygen equipment ang mga sumagip kay Ms. Feng. Ayon sa mga industry standards, dapat may dalawang safety personnel, emergency ascent devices, at backup breathing equipment ang mga mermaid performer.
Kasulukuyang Kalagayan at Paumanhin ng Parke
Hindi pa naglalabas ng detalyadong pahayag ang parke tungkol sa nangyari, pero tiniyak nilang maayos na ang kalagayan ni Ms. Feng. Nakalabas na rin siya sa ICU.
Nagpaabot ng taos-pusong paghingi ng paumanhin ang pinuno ng kumpanya sa performer at sa kanyang pamilya. Nais nila ang mabilis na paggaling ni Ms. Feng upang makabalik siya sa trabaho.
Ang insidenteng ito ay paalala sa kahalagahan ng mahigpit na safety protocols lalo na sa mga delikadong palabas tulad ng underwater performances.