PCG Pinatutukan at Pinatalsik ang Barkong Tsino sa Philippine EEZ sa Burgos, Ilocos Norte
Matagumpay na napaalis ng Philippine Coast Guard (PCG) ang isang Chinese research vessel na nakita sa loob ng Philippine exclusive economic zone (EEZ).
Noong Mayo 1, naobserbahan ang barkong Tsino na papasok sa bahagi ng dagat malapit sa Burgos, Ilocos Norte. Dahil dito, agad na nag-deploy ang PCG ng BRP Teresa Magbanua at isang eroplano upang subaybayan ang galaw ng nasabing barko.
Nagpatupad din ng radio challenge ang PCG upang ipaabot na hindi pinapayagan ang presensya ng barko sa nasabing lugar. Sa gitna ng operasyon, napansin ng PCG ang isang submersible vessel at isang rigid hull inflatable boat na patungo rin sa Chinese vessel.
Ang mabilis na aksyon ng PCG ay patunay ng seryosong pagtutok sa pagprotekta sa soberanya ng Pilipinas sa karagatan. Patuloy ang kanilang pagbabantay upang siguruhing walang nilalabag na dayuhan ang territorial waters ng bansa.
Samantala, nananatiling alerto ang PCG sa anumang pagpasok ng ibang barko sa Philippine EEZ.